Astero bezala, aste honetan zehar ikusi ditudan seriei buruzko ene usteak.
Revenge – 02×13 – Union
Kapitulua Amanda eta Jack-en ezkontzaren inguruan mugitzen da, bai ezkontza bera, bai Emily-k dituen oroitzapenak. Gainontzekoa, ba, betikoa, Victoria bere semea lagundu nahian iniziatibako tipa hiltzen du, Jack-en tabarneren inguruko kontu hori, Aiden berriro Emily-rekin adiskiditzea eta holan dana.
Castle – 05×14 – Reality Star Struck
Balendin deuneko kapitulua. Oso ondo eramana, beti bezala. Gatzgabetasunik gabe eta reality baten ingurukoak kontuan hartuta, dena oso dibertigarria eta atsegina izan da. Gustora kapitulu honekin. Batez ere Castle kuxkuxeroarena egiten nagusiarekin.
The Following – 01×04 – Mad Love
Serie honetan ezer ez da dirudiena baina ezustekoak istorioarekin koherenteak dira. Eta hori eskertzekoa da, dena ondo pentsatuta dutela argi ikustea. Carroll-en jarraitzaileak guztiz pitxatuta daude, benetan, baina istorioari ikutu ulertezin hori ematen diote. Zergatik egiten du eta nola dira gai egiteko. Hori da buruan daukadana. Bestetik, Kevin Bacon bikain ari da eta bere pertsonaiari kriston indarra ematen dio.
Pretty Little Liars – 03×19 – What Becomes of the Broken Hearted
Lotsa. Auzolotsa. Spencer-ek burua galtzea eta Mona-ren azpijokoan sartu izana, beno, sinesgarritasuna hortxe-hortxe; Ariak orain Fitz-en anai txikiarekin zeozer hasteak ere, hortxe-hortxe; Caleb-en aitaren kontua eta Hannak duen papera, ahaztekoa. Cece ere kontu honetan izan dezakeen lotura, egia esan, itxarongarria zen. Hutsa, nahiko hutsa kapitulu hau.
Modern Family – 04×15 – Heart Broken
Pare bat kapitulu daramatzat Modern Family pixkat ahul ikusten dudala. Balendin deuneko kontua hiru zatitan banatu dute eta, eztakit, zeozer falta zitzaion. Claire eta Phil-ena aurreko batean egin zuten bezala hasteak joku gehiago eman zezakeen eta Claire-ren bihotzekoak grazia kendu dio. Gloria eta Jay txoran jo nahi izateak bere grazia izan zezakeen baina, tira, zeozer falta izan da. Eta Cameron eta Mitchell-en arteko kontuan Lily izan da irria lapurtu didana.
Community – 04×02 – Paranormal Parentage
Bi potrorekin. Denboraldiaren hasiera atzeratu eta midseason-ean egingo zutela (kantzelazioaren aurreko pausua)? Eureri bost, aste honetan Haloween-eko berezia eman dute, hiru hilabete t’erdi beranduago. Bi potroekin.
Bikaina izan da kapitulua, erabiltzen duten narrazioa eta estiloa eurak bere burua kritikatzen dutela nabari da. Bikoteka jarri, betiko eztabaidak handitu eta berezko dinamikak jarraitu. Oso dibertigarria eta, esandakoa, bi potrorekin.
Person of Interest – 02×15 – Booked Solid
Guztiz entretenigarria kapitulu hau, umore ikutuekin. Finch eta Reese batera lan egiten berriro ikustea eskertzekoa da. Gainera Zoe hortik ikustea eskertzekoa eta Reese-n atzetik doanaren kontua hain ondo konpontzea. Carter-ek FBI-n lana lortu ez izana bere mutilagunagatik, tira, pixkat behartua ikusi dut. Eta bukaeran Root non dagoen ikustea, bikaina.
Scandal – 02×14 – Whiskey Tango Foxtrot
Hamar hilabete beranduago kokatzen dute korapiloa eta, beno, ez dut oso argi zer egin nahi duten. Joko asko eman zezakeen baina bidezoderretatik joaten direla iruditzen zait. Egia esan kapituluko gauzarik nabarmengarriena Rosen-ek esaten dituenak da. Gainontzekoa gero eta gutxiago sinisten dut. Eta bukaerakoa, guztiz itxarotekoa hasierako eszena ikusita.