Goazen asteko laburpenarekin.
Falling Skies – 03×08 – Strange Brew
Kapitulu ezberdina. Tom Mason errealitate ezberdin batean murgilduta ikusten dugu, ohiko pertsonai guztiekin. Azkenean dena gezurra delaz konturatzen da, alienen trikimailu bat informazioa lortzeko. Bienbitartean Charlestonen xatorraren ingurukoak eta susmoak handitzen doaz. Buelta asko ematen zaio kontuari baina kapituluaren muina Tom izan da. Hori bai, bukaeran extralurtarrek beren sarea martxan jartzen dute eta tentsioa handitzen da. Bai, kapitulu entretenigarria.
Major Crimes – 02×07 – Rules of Engagement
Beste kapitulu gogor bat. Eta, gainera Raydor eta bere senarraren arteko tentsioa gehitu zaio. Senarra lekuko/susmagarriaren abokatu bezal jartzea mugimendu interesgarria izan da eta horrek joko asko eman du bien artean. Baita Sanchez eta bere maitatuaren arteko tentsioa oso gordina izan da kasua dela eta. Azken finean Sanchez-ek hasieratik taldeen arteko kontua ez zela argi baitzeukan. Kasuan ezer ez da dirudiena baina denak zentzua dauka. Interesgarria, baina gogorra.
Skins – 07×04 – Pure_ Part Two
Cassie-ren bizatzari buruzko azken zatia. Hasieran Galesen kokatzen gara bere aita ta anaia ezagutzen ditugu. Berarekin bere argazkilaria darama eta hainbat kontu gertatzen dira. London-en bueltan gertatu beharrekoak gertatzen dira, azkenean ezer ez baita purua. Ondo egon da, bizia eta gordina, eta bukaera, beno, irrifarretxo batekin uzten zaitu.
Pretty Little Liars – 04×07 – Crash and Burn, Girl!
Oharkabean kapitulu nahiko normala, bukaerako kontua ahaztuta (mesedez, kotxe bat etxe baten aurka talka egitea…). Hainbat kontu agerian gelditzen dira, kontu pertsonalak nahiko normalak (ez dago joanetorri handirik) eta badirudi zeozer argitzen dela. Esandakoa, normalegia bukaera izan ezik.