Uda bidean martxa lasaia daramagu. Hemen asteko laburpentxoa (berandu).
Game of Thrones – 04×08 – The Mountain and the Viper
Kapitulua ondo joan da baina bukaeran nazkagarriak izan da, esplizituegiak. Bidean dauden trama guztiak aurrera egin dute: Horman hor ibili dira arduratuta, Sansa nahiko ilun baina interesgarri batek joko asko eman du, Arya-ren algarak dena adierazten zuen, Jorah kanporatua eta Boltontarrak Iparraldearekin geldituta. Eta bukaera, ba hori, nazkagarria, eta Tyrion-en etorkizuna zalantzan. Kapitulu ona, lasto gutxirekin.
Fargo – 01×08 – The Heap
Egin dutena ikaragarria izan da: kapituluaren erdialdea pasatxo, modu bikainean, urtebete aurrera egin dute. Lehen zatian Molly kasua aurrera eramaten ikusi dugu baina ezinean, baina behintzat maitasun kontuak bideratu ditu. Lester-ek bizitza guztiz aldau du (garbigailuaren metafora bikaina izan da) eta eraberriturik azaltzen zaigu. Eta Lorne gormutuarekin paktu bat egiten duen. Horretan geunden urtebete aurrera egiten dugula: Molly eta Gus ezkonduak, Lester urteko sailtzailea eta, azken eszenean, Lester nor eta Lorne ikusten duen. Azken planoa ikaragarria izan da. Kapitulu bikaina berriro ere.
The 100 – 01×12 – We Are Grounders (Part 1)
Bi zatiko bukaeraren lehen zatia, baina aurrekoetan ikusitakoaren jarraipena besterik ez da. Behean nahiko lasto eta gira-biraka lurtarrek erasoko dietelakoan. Clarke eta Finn ihes egiten dute baina gauza txungo bat plazaratzen dute bidean: Reaper delako txungo horiek. Kanpamenduan gertatu dena soberan zegoen, ez tentsiorik, ez interesik ez ezer. Eta goian bai kontu interesgarria izan dugu, espaziountzia lurreratzen saiatuko direla. Kapitulu zuzena.