Aste honetan gauza gutxi izan ditugu. Hona laburpena.
Falling Skies – 05×02 – Hunger Pains
Erasopean egon dira kapitulu osoa, erasoak eta erasoak. Hanka sartzea eta, ta, janaririk gabe gelditu. Eta orduan a) janariaren bila atera dira ahal izan duten moduan eta b) gosetearen ondorioekin ibili dira janaria heldu arte. Lehena beharrezkoa ez zen buelta batekin. Bigarrena zuzena, Tom-en sadikotze horrekin. Eta bukaeran kriston cliffhangarra, benetan aipagarria den gauza bakarra. Kapitulu ahazgarria.
Major Crimes – 04×05 – Snitch
Rusty-ren kontu guztia batzuetan interesgarria dirudi, besteetan lastoa. Ez dakit onik egiten dion seriari kontu horrekin bueltaka ibiltzea. Kasua, bestetik, oso ondo egon da, hainbat trikimailu interesgarrirekin eta Spikes-i garrantzia ematen. Txukun joan da eta tentsioa mantendu da. Kapitulu zuzena.
Under the Dome – 03×04 – The Kinship
Dena oso nahastua dago. Tipa-erregina horrenak nahikotxo atzera botatzen nau. Aldatzen diren batzuk, aldaketaren aurka beste batzuk eta erregina bere mobidekin. Gainera Big Jimmyri gertatu zaiona interesgarria zirudien baina gero, tira, betikoan gelditu da. Kapitulu zuzena.
Defiance – 03×06 – Where the Apples Fell
Kapitulu osoan ibili dira Datak eta Shatma harrapatzeko saiakeran. Lehena bai, bestea zauritua bukatu du berrien atean. Hor ibili dira gora eta behera, elkarrizketak eta akzioa tartekatuz. Bestalde Kolektiboaren kanpamenduan erasorako prestatu dira lastoa izan den kontu batekin. Kapitulu zuzena.