Udako Euskal Unibertsitateko aurtengo Udako Ikastaroak, 44.ak, “Anitza” lemapean ospatuko dira. Horien artean, Eibarreko Markeskoa Jauregian, Uztailaren 11-12an, “Zientziaren dibulgazioa: aukerak, baliabideak eta erronkak” izenburuarekin egingo den ikastaroa antolatu dugu.
Antolatzerakoan anitza izatea buruan izan dugu: anitza irakasle bezala jardungo dutenei begira, 13 pertsona guztira: ikertzaileak, dibulgatzaileak, zientzian formazioa duten kazetariak eta zientziara hurbildu diren kazetariak; anitza jorratuko diren gaiei erreparatuta: baliabideak, esperientziak, gomendioak, dibulgazioaren egoera,…; baina batez ere anitza nori zuzendu nahi izan diogun: ikertzaile, zientzia-kazetari, irakasle, zientzia edo kazetari ikasleak eta zientziazaleak. Anitza nork, anitza nori, anitza zer.
| UZTAILAK 11 | |
| 9:00 | Katedrala eraikitzen (hasiera-hitzaldia)
Josu Lopez-Gazpio, EHUko Kimika Aplikatua Saileko irakaslea |
| 9:30 | Euskaraz Zientzia-dibulgatzeko azpiegiturak: UPV/EHUren ekarpena
Jon Zarate Sesma, EHUko Euskararen arloko Errektoreordea |
| 10:15 | Zientzia gizarteratzen, lurrez, itsasoz eta airez, betaurreko moreekin
Ana Galarraga, Zientzia-komunikatzailea Elhuyarren |
| 11:00 | Atsedena |
| 11:30 | Ekaia, zientzia euskaraz dibulgatzeko aukera
Asier Vallejo, EHUko Kimika Analitikoa Saileko irakaslea, Ekaia-ko zuzendaria |
| 12:00 | Kazetarion ardura zientziaren dibulgazioan
Juanma Gallego, ingurumena eta ondarean espezializatutako freelance kazetaria |
| 12:40 | Dibulgaziozko testuak idazteko estrategiak
Mª Jesus Aranzabe, EHUko Euskal Hizkuntza eta Komunikazio Saileko irakaslea |
| 13:20 | Elkar ulertzera kondenatuak
Amaia Portugal, Radio Vitoriako kazetaria eta EHUko Zientzia Kaieran kolaboratzailea |
| UZTAILAK 12 | |
| 9:00 | Zergatik ez nuen dibulgatzen? (Eta orain dibulgazioaren astun bat naizen)
Koldo Garcia, EHUko eta Biocrucesko ikertzailea, zientzia-dibulgatzailea |
| 9:30 | Zientziaz betetako hitzak
Guillermo Roa, Zientzia-komunikatzailea Elhuyarren, Norteko Ferrokarrilaren gidaria |
| 10:15 | Zientziaren dibulgazioak badu harrobia
Uxune Martinez, Euskampus Fundazioan Zabalkunde zientifikorako arduraduna |
| 11:00 | Atsedena |
| 11:20 | Zelan identifika daitezke dibulgazio-gai interesgarriak?
Gotzone Barandika, EHUko Kimika Ez-organikoa Saileko irakaslea |
| 12:00 | Nola kontatu zientzia publiko desberdinari?
Jon M. Matxain, EHUko Kimika Teorikoko Taldeko ikertzailea eta DIPCko asoziatua |
| 12:40 | Kultura zientifikoaren hartzaileak
Juan Ignacio Pérez Iglesias, EHUko Kultura Zientifikoko Katedraren koordinatzailea |
| 13:20 | Mahai ingurua eta eztabaida |
Ikastaroari buruzko informazio guztia UEUren webgunean aurki dezakezu. Baita ere guzti honetaz Willy Roarekin, gure irakasleetako batekin, aritu ginen Norteko Ferrokarrilan. Gainera, ikastaroa hasi bitartean, dibulgazioaren gaineko zure iritzia jakin nahi dugu, ikastaroan gurekin ez bazaude ere, esan nahi diguzuna kontuan izan dezagun ikastaroko mahai-inguruan. Azkenik ekarpen eta iradokizun guztiak ongi etorriak dira, bai post honetako erantzunetan, bai Twitter bezalako sare-sozialen bidez.
Uztailaren 11 eta 12an Eibarren ikusiko garelakoan,
Josu eta Koldo.
3 Comments on “Zientziaren dibulgazioa: aukerak, baliabideak eta erronkak”