Zientzia Kaieran Josu Doncelek argitaratutako “Har bedi R erradioko behi bat” nire behiek arretaz irakurri zutenez, halabeharrez gomendatu behar dut.
Kategoria: Kafepintxo
-
Irakurgai gomendatuak (VIII): Behi esferikoak
-
2016ko 22. asteko serieak
Udako sasoira itxaroten gaudela serie gutxi batzuk martxan daude. Hona asteak emandakoa.
Game of Thrones – 06×06 – Blood of My Blood
Guda bat egongo dela dirudien bakoitzean, azpijoko arraroren bat gertatzen da eta odol gabe gelditzen gara, oraingoan Great Sparrow-ak nahi zuena lortu du eta erregea kontrolatuko du. Horrek Jaime King’s Crossing-etik botatzea eraman du eta ahaztutako kontu batekin nahasera. Bestetik, Aryak aurpegirik gabekoei traizioa egin eta orain ikusiko zer gertatzen den; Sam bere etxera heldu eta bota dute; iparraldean osaba galdua agertu da momentu egokienean; eta Kalesheek berak konbentzitu ditu gudara joateko. Egia esan gauza asko gertatu dira baina dena nahiko planoa. Kapitulu zuzena.
12 Monkeys – 02×07 – Meltdown
Cassierekin erabili zuten beldur psikologikoa orain kapitulu osora eraman dute, basearen barruan gertatutakoa irudikatzeko. Cassie kontrolatuta sabotaje egin eta makinara pikutara joan da, ondorio latzekin. Baina Ramseyren semearena kontu zaharra denez, berriro ere ikustea nahiko errepikakorra da. Eta haurra denboraren linboan gelditu da The Whitnesrekin. Akzio asko, tentsioa asko baina pixkat behartua dena. Kapitulu zuzena.
Person of Interest – 05×09 – Sotto Voce
Boskotea bueltan da berriro Shaw eta Root arteko momentu tentso eta dramatikoaren ostean. Gainontzekoa aitzakia bat pertsonaia ezagunak itzultzeko eta Fusco eta Reese berradiskidetzeko eta, azken honi, egia kontatzeko. Akzio asko, tiroak, azpijokoak, trikimailuak eta bira asko azkenean Eliasek bere mendekua egiteko. Kapitulu zuzena.
Person of Interest – 05×10 – The Day the World Went Away
100. kapitulua. Eta seriaren bukaerara begira jarri dira atal ikaragarri batekin, Michael Emersonek kristolako antzezlana egina. Bera izan da protagonista, bai zenbakia izateagatik, bai hartu duen erabakigatik. Bidean Elias eta Root galdu ditugu intentsitatez eta momentu gordinez betetako kapituluan, istorioak lotuta eta bukaerara bideratuta. Makinak Rooten ahotsa aukeratu du eta, badirudi, Finchek gutun zuria emango diola Samaritani aurre egiteko. Kapitulu itzela.
-
Zientzia jalgi hadi plazara (4): Oztopoz betetako karrera
Karrera zientifikoa zientziagintzan modu egonkorrean aritzeko bidea da. Oztopoz betea. Baina momentuz daukagun bide bakarra da. Teorian ideia bikaina da: ikasketa arautu batzuk egiten dituzu, egokia zarela frogatzen duzu hainbat arlo ezberdinetan eta, gero, zure meritu anitzen arabera, akademian lekua izango duzu karrera zientifikoa egiteko. Beno, behintzat lehen doktoretza osteko egonaldira arte. Gauza horiek egiten zauden bitartean eta ostean, egiten dituzun ikerketak publikatzera bidaltzen dituzu, gaian adituak direnen iritziak, kritika eraikitzaileak eta iradokizunak jaso, aldatu aldatu beharrekoa eta aldizkari zientifiko batean argitaratzen dira emaitzok. Horrela komunitate zientifikoak zure ikerkuntza aztertzeko aukera du eta, gainera, gizartearekin partekatu daiteke egindakoa. Hau da, zientziagintzaren sormena eta transmisioaren zati potolo bat akademian eta akademiatik gertatzen denez, akademian pertsonarik egokienak egotea bermatzen da eta egindako ekarpen zientifikoak onenak izatea. Kontu praktikotarako bi kontzeptuei (zientziagintzan dabilen erakunde ofizialei, izan publiko, fundazio edo diru publikoz lagundutako pribatua, eta zientziaren publikazio sistemari) akademia deituko diet.
-
Zientziaren dibulgazioa: aukerak, baliabideak eta erronkak. Uztailak 12
Uztailaren 11 eta 12an Eibarreko Markeskoa jauregian zientziaren dibulgazioari buruz hausnartuko dugu Udako Euskal Unibertsitateko ikastaro batean. Zeri buruz hitz egingo digute hizlariek? Hemen dituzu bigarren eguneko laburpenak.
-
Zientziaren dibulgazioa: aukerak, baliabideak eta erronkak. Uztailak 11
Uztailaren 11 eta 12an Eibarreko Markeskoa jauregian zientziaren dibulgazioari buruz hausnartuko dugu Udako Euskal Unibertsitateko ikastaro batean. Zeri buruz hitz egingo digute hizlariek? Hemen dituzu lehen eguneko laburpenak.
-
2016ko 21. asteko serieak
Serieak bukatzen jarraitzen dute eta besteak abiadura hartua bukatzeko. Hona asteko laburpena.
-
2016ko 20. asteko serieak
Gero ta serie gehiagok denboraldiari agur esan diote, batzuk betirako. Asteko laburpena.
-
Irakurgai gomendatuak (VII): Darwin geurean
Gaurkoan liburu batekin nator. Kepa Altonagak idatzi zuen Darwin geurean (Pamiela, 2010). Errez eta arin irakurtzen diren 120 orri, pasadizo eta gogoeta interesgarriz josia. Ez zara zertan eboluzioan aditua behar izan liburu hau jarraitzeko eta nola gure hizkuntza uzkurtu zuten darwinismoari (darbinkeri, harrapazank!) ateak ixteko. Benetan gomendagarria.
Eta dudaren bat baduzu, Bilbo hiriak eta Kultura Zientifikoko Katedrak lankidetzan ekoizten duten Zientzialari saioan Kepa berak kontatzen dizkizu pasadizo hauetako batzuk:
-
Zientzia jalgi hadi plazara (3): Etika zientifikoa
Zientzia metodo zientifikoan oinarritzen den oro dela esan ohi dugu, jakintza-arloen artean egiten diren banaketa artifizialei (eta mingarriei) aurre egiteko. Egia esan, oso astunak gara metodo zientifikoarekin, mantra bat dirudi, baina zientzia, zientziagintza, zuzen funtzionatzeko oinarrizko araua besterik ez da. Zientziagintzan aritzeko minimo etikoa.
