Ikertzaileok dibulgatu behar dugu. Askotan diogun zerbait da, gure lana zuzenen ez bada ere, gure jakintza-arloa bai behintzat. Baina agian egiten dugun ekarpen horrek ez du gure curriculum-etan behar duen lekua eta hizkuntzari eta ezagumenduari egiten diogun ekarpena ez da merezi duen beste ikustarazten. Hori dela eta txoko honetan egiten ditudan ekarpenen zerrenda eguneratua eramango dut, ez galtzeko malkoak bezala Interneteko itsaso erraldoian.
Etiketa: zientzia
-
Euskarari eta dibulgazioari egindako ekarpenak
-
Genetikak eman ez diguna
Zientziatekan emandako hitzaldian genetikak bere hitza bete ez izanaren kutsua egon daitekeela esan nuen. Gauza handi asko espero egiten direla genetikaz eta gero betetzen ez direnez iruzur kutsua geldi daitekeela. Horren harira zergatik itxaropen handi horiek bete ez diren azaltzen saiatuko naiz, hau da, zergatik ez gara supergizakiak?
-
Irakurgai gomendatuak (II): Homeopatia
Laburbilduz, Homeopatiaren Astea
1) https://t.co/1BdjrGymNb
2) https://t.co/7IeMLEo9IN
3) https://t.co/tP75iJ5XxJ
4) https://t.co/YwGrrtAWu5— Josu Lopez-Gazpio (@Josu_lg) April 13, 2016
Pasaden astean, homeopatiaren astea aitzakia hartuta, Josu Lopez-Gazpiok artikulu sorta bat idatzi zuen homeopatia egurtzen, irakurri beharrekoak:
- Homeopatiaren astea (I): zer da homeopatia?
- Homeopatiaren astea (II): homeopatiaren eraginkortasuna
- Homeopatiaren astea (III): homeopatiaren aldeko argudioen gainbehera
- Homeopatiaren astea (eta IV): eztabaida homeopatikoa
Baita Norteko Ferrokarrilan entzun dezakezue.
-
Irakurgai gomendatuak (I): Homo sapiens gizakia bere bakardadean
Elhuyar aldizkariko azken zenbakian Homo sapiens gizakia bere bakardadean artikulua argitaratu dute Ana Galarragaren eskutik. Irakurri beharrekoa.
-
Geneak nahieran aldatzea, etorkizuneko botika?
Atzo Kultura Zientifikoko Katedrak eta Azkuna Zentruak antolatzen duen #Zientziatekan izan nintzen. Hemen bota behar nuen diskurtsoa uzten dut, zehatz-mehatz bota ez banuen ere. Eta erabilitako diapoak ere . (gehiago…)
-
Neandertalak gure genoman (eta gu berean)
Aste honetan bi berri izan ditugu gure antzinako arbasoen eta gure genomen arteko elkartrukeaz: Neandertalen aldaerek gure osasunean duten eragina eta Neandertalen genoman gure aldaeren presentzia . Bata Science-n, bestea Nature-n. Zientzian ospe handien duten bi aldizkarietan. Baina gaurkoan batez ere lehenaz arituko naiz, nire kezkak jada azaldu nituelako, eta bigarrenaz apunte txiki bat bakarrik. (gehiago…)
-
Zientzia, komunikazioa eta jendartea
Badaude ziklikoak diren gaiak, marmotaren eguna bezala erremediorik gabe behin eta berriz gurekin ditugunak. Gure mundutxo honetan horietako bat zientziaren komunikazioa eta berau jendartean nola heltzen den. Asteburu honetan berriro ekin diote gaiari Natur Zientzien 2. topaketan antolatu zuten “Komunikabideak zientzian, zientzia komunikabideetan” mahai-inguruan, atzo Amaia Portugalek Zientzia Kaieran jaso zuena . Twitter bidez jarraitu nuen kasualitatez, eta esan ziren gauza batzuekin nire desadostasuna erakutsi ere. Urko Aristi gaixoa, nire dardoak jaso zituen, agian gogorregia izan nintzen. (gehiago…)
-
Wolfram Deuna
Bihar egun berezia izango da. Ez bakarrik urterokoagatik, beste urte bat eguzkiari bira, baita ere zientziazalez beteriko ekitaldi batera gonbidatu nautelako. (gehiago…)
-
Zientzia astearte goizetarako da
Zientzia-gaiei buruz idazten denbora eraman ostean, zure ekarpena goizetan egiten baduzu oihartzun handiagoa duenaren ustea izan nuen. KZJaia3-an izaki bizidunak banatzen ibili ostean uste hori sendotu zitzaidan. Eta urte erdi #dazientziat den esperimentu / jolas honekin pasa ostean are gehiago. Bai, gaur 6 hilabete betetzen dira #dazientziat traola proposamen bezala bota nuenetik eta, egia esan, denbora honetan bildutako datuak nire susmo hori aztertzeko baliagarriak zaizkit. Baina has gaitezen hasieratik. (gehiago…)
-
A gripearekiko sentikortasuna eta genetika
A gripeak (H1N1 motatakoa) 2009-2010an zeresan handia eman zuen , batez ere heldu gazte eta osasuntsuek pairatzen zutelako, beste gripe motetan arrunta ez dena. Pandemia bat izan zen, mundu guztian kasuak egon zirelako eta, deigarriena, hasieran heriotza tasa normalean baino altuagoa zelako. Pandemiak aurrera zihoala heriotza-tasa jaisten joan zen eta, azkenean, ez zen hain arriskutsua izan. Hala ere, pertsona osasuntsu askok ospitalean denbora pasa zuten A gripeaz kutsatu ostean eta beste hainbestek beste edozein gripe baten moduan pasa zuten, hots, etxean manta eta zopekin. Baina… zergatik sentikortasun ezberdintasun hau? (gehiago…)